ہے یہ خون حسین کا صدقہ (حُسَیْنٌ مِنّیْ وَ اَنا مِنْ حُسَیْن) از مولانا محمد قاسم مصباحی

منقبت 

ہے یہ خون حسین کا صدقہ

سبطِ خیر الاَنام زندہ ہے

 شاہِ عالی مقام زندہ ہے

 مر گئے تم یزیدیو ! ، لیکن

 ہر حسینی غلام زندہ ہے

 چڑھ کے نیزے پہ بھی تلاوت کا

 جذبہ و اہتمام زندہ ہے

 ہے یہ خونِ حسین کا صدقہ

 آج حق کا پیام زندہ ہے

 کیوں کروں میں حسین کا ماتم

 جب وہ میرا امام زندہ ہے

 آج بھی سب کے دل میں اے قاسم

ابنِ حیدر کا نام زندہ ہے

نتجۂ فکر: مولانا محمد قاسم مصباحی ادروی
استاذ : جامعہ اشرفیہ مبارک پور ، اعظم گڑھ ، یوپی ، انڈیا ۔

پیش کش : فرحان امجد قادری رضا نگر ادری ، مئو ، یوپی۔